АГЕНТИИ МЕҲНАТ ВА ШУҒЛИ АҲОЛӢ
ВАЗОРАТИ МЕҲНАТ МУҲОҶИРАТ ВА ШУҒЛИ АҲОЛИИ ҶУМҲУРИИ ТОҶИКИСТОН

СОЛИ 2018 – СОЛИ РУШДИ САЙЁҲӢ ВА ҲУНАРҲОИ МАРДУМӢ

04/07/2018


Намоиш – озмуни маҳсулоти ҳунармандӣ ва таомҳои миллӣ: «Баракати истиқлол»

Дар асоси Нақшаи чорабиниҳо оид ба иҷрои супоришҳои Паёми Президенти Ҷумҳурии Тоҷикистон ба Маҷлиси Олии Ҷумҳурии Тоҷикистон дар назди Маркази савдои «Ёвар» Намоиш-озмуни маҳсулоти ҳунармандӣ ва таомҳои миллӣ: «Баракати истиқлол» бахшида ба «Соли рушди сайёҳӣ ва ҳунарҳои мардумӣ» бо иштироки пазандагони чирадаст ва ҳунармандони мардумӣ аз шаҳрҳои Душанбе, Ҳисор, Ваҳдат, инчунин ноҳияҳои Рӯдакӣ, Варзоб, ва Файзобод баргузор гардид.

Дар чорабинии мазкур дастранҷи хонандагони муассисаҳои давлатии таълимии «Коллеҷи муҳандисию омӯзгории шаҳри Душанбе», Литсейи касбии хизмат ва туризми шаҳри Душанбе, Литсейи касбии техникии сохтмони шаҳри Душанбе, инчунин Муассисаи давлатии «Маркази таълими калонсолони Тоҷикистон» ба намоиш гузошта шуда буд.

Маҳсади асосии баргузории чорабинӣ ин эҳё ва рушди ҳунарҳои мардумӣ ва таомҳои миллӣ, дарёфти пазандагон ва ҳунармандони мардумӣ буда, дар ҷараёни он тарғибу ташвиқ ва тарбияи насли наврас бо мақсади эҳтиром ва арҷгузорӣ ба урфу одат ва ҳунарҳои миллии ниёгон мебошад.

Дар ҷараёни чорабинӣ дастранҷи ҳунармандони мардумӣ ва таомҳои омоданамудаи ошпазон аз ҷониби ҳакамон баҳо дода шуда, ғолибон бо туҳфаҳои хотиравӣ ва сипосномаҳо сарфароз гардонида шуданд.

Бояд ҳайд кард, ки баргузории чунин намоишҳо ба рушди сайёҳӣ ва ҳунарҳои мардумӣ мусоидат намуда, он муаррифгари кишвар дар арсаи байналмилалӣ мегардад.

Лозим ба ёдоварист, ки чунин намоиш-озмунҳо дар доираи Нақшаи чорабиниҳо бахшида ба «Соли рушди сайёҳӣ ва ҳунарҳои мардумӣ» минбаъд низ баргузор карда мешаванд.